إحذر الأمر ريفرش ،،r e f r e s h

بسم الله الرحمن الرحيم

السلام عليكم ورحمة الله وبركاته

علي فكرة كلمة ريفرش مش بتتكتب علي المنتدي بتتكتب نقط ريفرش
=r e f r e s h

الموضوع يختص بأمر ريفرش الذي كلنا يتعامل معه في اليوم الواحد اكثر من مليون مره ولا احد يعلم ماذا يفعل هذا الامر او يعرف ولكن يعرف بطرقة خاطئه.

لو سألت احد يقوم بعمل ريفرش للديسك توب او لاي مكان بالجهاز او لماذا تدوس على زر F5 هاتكون الاجابه غربيه جداااااااااااااااا. يقولك اصله بيفرفش الجهاز!!!! او بينعنش الجهاز؟؟؟!!!! او يقولك دا بيفوق الجهاز؟؟ وكمان بيخليه يحمل بسرعة. صح؟ ولا انا غلطان؟

طبعا اجابات غريبة جدا لا تستند الى اى سند علمي او هندسي او حتي منطقي.
اذن ماذا يفعل هذا الامر من الناحية العلميه والهندسية والفعليه, وحتى نعرف الاجابه ونفهم جيدا يجب ان نعود الى الوراء قليلا...... نرجع حوالى 12سنه ... نرجع لايام وندوز 95 لو حد فاكره او اشتغل عليه اصلا.

ايام وندوز 95 مكانش فيه امر ريفريش اللي احنا عارفينه اصلا. ودا كان بيعمل مشاكل معانا, ومن الامثله على المشاكل دي انك لو مثلا قمت بنسخ ملف من او الى الديسك توب على سبيل المثال ممكن بعد عملية النسخ ماتشوفش الملف يعني النسخ تم ومع ذلك الملف او الفولدر مش ادامك. فيه ايه فين الملف, وكانت الطريقه الوحيده للتغلب على المشكله دي عشان الملف يظهر انك تقفل الصفحه الليي انت فيها وتفتحها تاني, لييييييييييه؟؟ لان اي صفحه بتتفتح بيتعمل لها عمليه Load يعني تحميل واثناء عمليه الــ Load او التحميل بيظهر من تاني كل مكونات الصفحة بما فيها الملف او الفولدر اللي تم نسخه وماظهرش وبالتالي بيظهر امامنا.

وهو ده كان الحل الوحيد للمشكله ايام وندوز95 . وكان في نوع تاني من المشاكل انك مثلا تحط اسطوانه في الدرايف ومايظهرش اسمها او تخرجها وتلاقي اسمها لسه موجود. طب نعمل ايه؟ كنا بنضطر برضه لقفل الصفحه وفتحها من تاني عشان تعمل عملية الــ LOAD لمحتوياتها فبالتالي لو في اي تغيير في المحتويات هايظهر.

وبعدين ظهر وندوز98 ومعاه نفس المشكله. لكن مايكروسوفت حلت المشكله مع الاصدار الثاني من وندوز98 Windows 98 Second Edition انها زودت امر ريفريش في القوائم عشان المستخدم اللي بيعاني من ان في ملفات او عمليات بتتم ومابيظهرش تأثيرها نعمل لها ريفريش عشان تظهر وبمعني اوضح ان امر ريفرش بيعمل عملية Reload اعادة تحميل يعني لمحتويات الصفحة.

وهو ده مربط الفرس, اظن اننا دلوقت قربنا نفهم وظيفة امر ريفرش الليي كلنا بيألف في تعرفها.

المشكله الاكبر ان امر ريفرش امر مش خفيف لان عملية اعادة تحميل محتويات الصفحة مش عملية سهلة ومع ذلك تلاحظ ان معظم الناس والجهاز مهنج او بطئ عشان بيعمل حاجه او بيفتح برنامج او بيقتح لعبه عمال يدوس ريفرش ,ريفرش, طب ليه هو الجهاز ناقص تقل. وبعدين الامر ده موجه للمنطقه اللي انت بتعمل ليها ريفرش يعني مش هايعمل حاجه مع البرنامج اللي مهنج الجهاز يعني مثلا واحد بيفتح الوورد والبرنامج بيفتح بالعافية تلاقيه عمال يدوس ريفرش على الديسك توب , طب مال الديسك توب ومال الـ ريفرش ومال برنامج الوورد يا عم الحج.
وبعدين هو الجهاز ناقص تقل عشان تتقله اكتر بأمر اعادة تحميل محتويات الصفحة.

مشكله كبيرة جدا وقعنا فيها بسبب معدومي الخبرة من مدعي المعرفة بأمور الكمبيوتر والناس مظلومه مش فاهمه وكله مشي وراهم.

الرجاء من كل من قرأ هذا الموضوع ان ينشر المعلومه حتي تعم الفائده

الموضوع منقول طبعا للافاده

موضوع مفيييييييد جدااااااااااااااااا
تسلم ايدك ياقمرايا
دا انا طلعت جاهله اوى
ياكسوفى ههههههههههههههههههههههههههه

ههههههههههههههههههههه

جهل ايه وكسوف

ياختى عليكى لما خدودك تحمر

ههههههههههههههههههه إحذر الأمر ريفرش ،،r e f r e s h 197911

شكرا ليكي والواحد مكنش عارف يعمل ايه من غير خبرتك وتجاربك العظيمه
بس بجد معلومه حلوه
ممكن الواحد يحلي بيها بعد الاكل
هههههههههههههه

هههههههههههههههههه

ميرسى ليك يا احمد

نورت التوبيك

إحذر الأمر ريفرش ،،r e f r e s h 509137