لماذا نحن متواجدون في المنتديات

الأن السؤال المطروح:
"لماذا نحن متواجدون في المنتديات؟؟؟؟"

لكذا سبب يعني مثلا بنعرض مشاكل بعض يمكن نحلها سوا او نهزر ونلعب او اللي عنده اي معلومه مش عند التاني بيعرضها وةنتناقش فيها كلنا

الاغراض و الاهداف من تواجدنا؟؟

نفس اجابه الاولاني ان نطمن علي بعض بردو نشوف دماغ كل واحد اهو بنفيد ونستفيد ع قد منقدر

ماذا قدمنا للمنتدى؟؟

يعني بنقدم مواضيع ... قدمنا شباب وبنات كويسين جدا وبقينا اصحاب زي الفل وكويسين... بنحاول نرفع المنتدي عشان يبقي احسن من غيره مش مواضيع بس ولا ضحك وهزار بس .. كن احنا مع بعض بجد مش بنحس اننا غرب عن بعض

ماذا قدم لنا المنتدى؟؟؟

قدملنا فرصه ان نتكلم ف مواضيع مختلفه ونشوف اراء بعض و دماغ بعض ماشيه ازاي وقدملنا وقت نقضيه كلنا مع بعض للضحك والهزار

هل لنا رسالة هادفة أم مجرد عبث و مضيعة للوقت؟؟؟

لا بصراحه قدم الاتنين يعني هادف جدااا عشان كل اللي قولته فوق وف نفس الوقت يعتبر مضيعه للوقت ساعه ما بنفضي ..

هل شخصيتنا بالمنتدى تختلف على ما هي عليه بالواقع؟؟؟

انا عن نفسي لا والله ابدا يعني زي ما هنا بموت ف الضحك والهزار والتريقه بردو ف الحقيقه نفس الكلام انما ساعه الجد جد بردو .. لكن معرفش باقي الاعضاء معرفش بقا


هل اكتساب المعرفة عن طريق المنتديات أجدر أم اكتسابها عن طريق الكتب؟؟؟


ف حاجات بنكتسبها من المنتديات بتبقي احسن من الكتب واسهل وف حاجات متنفعش غير من الكتب لانها مش موجوده بالنص ف المنتديات .. ممكن تكون المنتديات بتحتوي جزء صغنن بس منها

و آخيرا:
ما هي المظاهر السلبية و الايجابية للمنتديات؟؟؟


المظاهر السلبيه ::: ان ف عز ما بكون مشغوله ببقي عاوزه ادخله وف نفس الوقت احيانا احيانا بيدخل شباب مفكره ان المنتدي ده طريقه للوصول للبنات ومقابلتهم واميلاتهم وساعات بسيطه بنتعرض لبعض الشتايم بتكون مش كوووويسه .. لان اي حد بيسجل مش بنكون عارفين اخلاقه من الاول




اما المظاهر الايجابيه::: هي ان بجد بجد عرفت ناس من احسن الناس اللي عرفتهم ف حياتي وفيهم اللي بقو اقرب ليا من اصحابي الحقيقين ... تاني حاجه ... ساعات بتوفر معلومات كتير ببقي محتاجاها ومستنيه اي كلمه عنها ... كمان ان بعرف راي كل واحد اللي اعرف منه انا صح ولا غلط ف اي موضوع ... وكمان بهزر واضحك والعب وتسليه



هل تجد ان منتدى بيت العيلة يختلف عن المنتديات الاخرى ام انه مثل اي منتدى؟؟؟


بصراحه غير اي منتدي هو ومنتدي صالح بردو مش هنساه لان هو اللي عرفني بجد ع كل اللي هنا بس بجد منتدي حلو بالشباب والبنات والاداره اللي فيه




تسلم ايدك يا مااااااااااس بجد موضوع زي العسل ربنا يبارك فيك .. معلش طولت عليكم بس الاسئله كتير